|
|
នៅទីនេះលោកអ្នកអាចរកបាននូវរាល់ព័ត៌មានទំាងអស់ អំពីរបៀបប្រើប្រាស់សេវាសារអក្សរតាមទូរស័ព្ទ ដើម្បីទទួលបានព័ត៌មានតម្លៃកសិផលប្រចាំថ្ងៃទូទាំងប្រទេស។
សេវាប្រព័ន្ធសារជាអក្សរនេះអាចប្រើ ដើម្បីប្រមូល និងចែកចាយព័ត៌មានតម្លៃលក់ចេញដុំ សម្រាប់ផលិតផល បន្លែ និងផ្លែឈើ ផលិតផលសាច់ និងផលិតផលធញ្ញជាតិ ដែលដាក់លក់ដោយអាជីវករលក់ដុំ នៅក្នុងទីផ្សារចំនួន២៧ នៅទូទាំងប្រទេសកម្ពុជា។
បច្ចុប្បន្ននេះ សេវាសារអក្សរតាមទូរស័ព្ទ អ្នកប្រើប្រាស់ទូទៅ ជាពិសេសកសិករ និងអាជីវករអាចទទួលបានតម្លៃកសិផលរហ័សទាន់ទចិត្ត គ្រប់ទីកន្លែង និងគ្រប់ពេលវេលា។ ដើម្បីសម្រេចបានការងារនេះ អាជីវករលក់ដុំ បន្លែ និងផ្លែឈើ សាច់ និងធញ្ញជាតិ ត្រូវដាក់តម្លៃចូលក្នុងប្រព័ន្ធផ្ទាល់ដោយការបញ្ជូនសារអក្សរតាមទូរស័ព្ទ។ គេអាចរកព័ត៌មានតម្លៃពីប្រព័ន្ធនេះដោយការស្នើសុំតាមសារទូរស័ព្ទ នោះប្រព័ន្ធនឹងតបវិញជាមួយនឹងតម្លៃកសិផលណាមួយដែលត្រូវបានស្នើ។ មានតែអាជីវករលក់ដុំប៉ុណ្ណោះ ដែលអាចដាក់តម្លៃចូលក្នុងប្រព័ន្ធនេះបាន តែនរណាក៏អាចស្នើសុំតម្លៃពីប្រព័ន្ធនេះបានដែរ។
តម្លៃដែលប្រមូលដោយ មន្រ្តីរបស់ក្រសួងកសិកម្ម រុក្ខាប្រមាញ់ និងនេសាទ ក៏មានដាក់បញ្ចូលទៅក្នុងប្រព័ន្ធនេះដែរ តែតម្លៃនេះជាតម្លៃមធ្យមនៅលើទីផ្សារ ហើយត្រូវបានប្រមូល៣ដងក្នុង១សប្តាហ៍ ។ ចំណែកឯតម្លៃដែលបានពីអាជីវករវិញ ត្រូវបានដាក់បញ្ចូលជារៀងរាល់ថ្ងៃ ដែលជាធម្មតាគឺប៉ុន្មានម៉ោងដំបូង ខណៈដែលគាត់ចាប់ផ្តើមលក់ដូរជាប្រចាំថ្ងៃនោះឯង។
ប្រព័ន្ធសារជាអក្សរនេះ អាចប្រើជាមួយទូរស័ព្ទធម្មតាបានដែរ (មិនមែនស្មាតហ្វូន)។ ជាមួយប្រព័ន្ធសារជាអក្សរនេះ អ្នកប្រើប្រាស់ទទួលបានផលប្រយោជន៍ដូចខាងក្រោមៈ
១. ទទួលបានតម្លៃកសិផលនៅតាមផ្សារលក់ដុំ (បន្លែ សាច់ និងធញ្ញជាតិ)
២. ទទួលបានលេខទូរស័ព្ទអ្នកលក់បោះដុំទូទាំងប្រទេស
៣. បញ្ចូលតម្លៃលក់ដុំ (សម្រាប់តែអ្នកលក់ដុំដែលបានចុះឈ្មោះជាមួយប្រព័ន្ធសារជាអក្សរ ដែលយើងខ្ញុំជាអ្នកចុះឈ្មោះ)
ដើម្បីរកតម្លៃសម្រាប់កសិផលណាមួយ ពីនៅផ្សារណាមួយ សូមលោកអ្នកធ្វើដូចតទៅនេះ៖
<200 >-772:R3500(T19/P0) 771:R0(T1/P0) 780:R4000(T21/P0) 741:R0(T17/P0) 721:R0(T20/P0) 731:R0(T14/P0) 801:R0(T9/P0) 791:R0(T12/P0)
សារនេះតបវិញ ជាមួយតម្លៃ នៅឯផ្សារដើមគរ [772] ព្រមទាំងមួយចំនួនទៀតនៅក្បែរគ្នាផងដែរ
200 = ខាត់ណា
772 = ផ្សារដើមគ
R3500 = តម្លៃមធ្យមគឺ ៣៥០០រៀល/គីឡូក្រាម
T19 = មានអាជីវករលក់ខាត់ណា ចំនួន១៩នាក់ នៅផ្សារដើមគ
3 = អាជីវករ ចំនួន៣នាក់ បានបញ្ជូនតម្លៃ មកក្នុងប្រព័ន្ធសម្រាប់ ខាត់ណា
P0 = គ្មានកសិករដំណាំខាត់ណាណាមួយ បានបញ្ជូនតម្លៃ មកក្នុងប្រព័ន្ធនោះទេ
Date:15.04 = កាលបរិច្ឆេទ ដែលតម្លៃត្រូវបានបញ្ជូន មកក្នុងប្រព័ន្ធ គឺ ថ្ងៃទី១៥ ខែមេសា
780 = ផ្សារច្បារអំពៅ
R4000 = តម្លៃមធ្យមគឺ ៤០០០រៀល/គីឡូក្រាម
T8 = មានអាជីវករលក់ខាត់ណា ចំនួន៨នាក់ នៅផ្សារច្បារអំពៅ
6 = អាជីវករ ចំនួន៦នាក់ បានបញ្ជូនតម្លៃ មកក្នុងប្រព័ន្ធសម្រាប់ ខាត់ណា
P0 = គ្មានកសិករដំណាំខាត់ណាណាមួយ បានបញ្ជូនតម្លៃ មកក្នុងប្រព័ន្ធនោះទេ
Date:15.04 = កាលបរិច្ឆេទ ដែលតម្លៃត្រូវបានបញ្ជូន មកក្នុងប្រព័ន្ធ គឺ ថ្ងៃទី១៥ ខែមេសា
(បើប្រើប្រព័ន្ធនេះ លោកអ្នកនឹងឃើញថា លោកអ្នកមិនត្រឹមតែបាន តម្លៃ ពីផ្សារក្បែរនោះតែមួយនោះទេ គឺលោកអ្នកនឹងបានពីផ្សារ ទាំងអស់ដែលនៅក្បែរនោះ!)
ពេលដែលទទួលបានតម្លៃសម្រាប់កសិផលណាមួយ ពីផ្សារណាមួយ ពីអាជីវករ សូមលោកអ្នកអនុវត្តដូចតទៅនេះ ៖
ជាឧទាហរណ៍ សូមលើកយកកសិផល “ខាត់ណា” [កូដ:200] និង ផ្សារ “ដើមគ” [កូដ:772]
<200772 >-092230286:Phea:R3500 -012899577:SongTheng2-016998386:Je
ការបកស្រាយសារ ៖
092230286 = លេខទូរស័ព្ទ របស់អាជីវករ
Phea = ឈ្មោះ របស់អាជីវករ
R3500 = តម្លៃចុងក្រោយ របស់អាជីវកររូបហ្នឹង សម្រាប់កសិផលមួយហឹ្នង
Date:15.04 = កាលបរិច្ឆេទ ដែលតម្លៃត្រូវបានបញ្ជូន មកក្នុងប្រព័ន្ធ គឺ ថ្ងៃទី១៥ ខែមេសា
(បើប្រើប្រព័ន្ធនេះ លោកអ្នកនឹងឃើញថា លោកអ្នកនឹងបានតម្លៃ ពី អាជីវករទាំងអស់ ដែលមានបញ្ជូនមកក្នុងប្រព័ន្ធ ក្នុងអំឡុងពីរថ្ងៃ ចុងក្រោយ។ បើលើសពីរយៈពេលពីរថ្ងៃ តម្លៃទាំងនោះនឹងត្រូវចាត់ ទុកជាហួសកាលកំណត់ ហើយនឹងត្រូវលុបចេញពីប្រព័ន្ធ។)
សម្រាប់អាជីវករដែលបានចុះឈ្មោះជាមួយនឹងប្រព័ន្ធ អាចដាក់តម្លៃលក់សម្រាប់កសិផលមួយបាន។ ការដាក់តម្លៃនេះអាចធ្វើបានចំពោះតែលេខទូរស័ព្ទ ដែលបានចុះបញ្ជីជាមួយប្រព័ន្ធសេវានេះ ពីមុនមកតែប៉ុណ្ណោះ។ ដោយហេតុថា អាជីវករបានចុះឈ្មោះនៅតាមទីផ្សារ ដូច្នេះមិនចាំបាច់បញ្ជាក់ពីកូដផ្សារនោះទេ នៅពេលដែលដាក់តម្លៃកសិផលណាមួយនោះ។
សូមធ្វើដូចតទៅនេះ ដើម្បីដាក់តម្លៃផលិតផលណាមួយរបស់ខ្លួនទៅក្នុងប្រព័ន្ធ៖
(ជាឧទាហរណ៍ យើងនឹងប្រើផលិតផល “ខាត់ណា” [កូដ:២០០] ដែលយើងចង់លក់ក្នុងតម្លៃ ៣,០០០រៀល)
សូមលោកអ្នកវាយសារ ដោយប្រើ “S” ដែលតំណាងឲ្យម្លៃលក់ ហើយវាយកូដសម្រាប់ផលិតផល និងវាយបន្តដោយតម្លៃដែលលោកអ្នកចង់លក់ផលិតផលនោះ ៖ S2003000
បញ្ជូនសារ ទៅកាន់លេខទូរស័ព្ទ របស់ប្រព័ន្ធសារជាអក្សរតាមទូរស័ព្ទ ៖ 5100 ឬ 060 96 5100
ទទួលបានការឆ្លើយតប: 0000 តម្លៃត្រូវបានកែតាមសំណើរ ៖ [២០០] ៣,០០០រៀល
ការបកស្រាយសារ ៖
0000 តម្លៃត្រូវបានកែតាមសំណើរ ៖ [២០០] ៣,០០០រៀល = លោកអ្នកកែតម្លៃបានសម្រេច ហើយតម្លៃថ្មីគឺ ៣,០០០រៀល
សំគាល់ៈ អ្នកអាចបញ្ចូលតម្លៃលើសពីមួយបាន (រហូតដល់១៥ ផលិតផល)
សារឆ្លើយតប៖
ខាងក្រោមនេះ លោកអ្នកអាចរកបាននូវសារឆ្លើយតប ដែលប្រព័ន្ធអាចនឹងបញ្ជូនទៅលោកអ្នក។
លេខកូដ អត្ថន័យ
0000 តម្លៃដែលលោកអ្នកបញ្ជូន ត្រូវបានដាក់ក្នុងប្រព័ន្ធដោយជោគជ័យ
1111 សារដែលបានផ្ញើ ប្រើប្រាស់លេខកូដមិនត្រឹមត្រូវឡើយ
2222 សារដែលបានផ្ញើ មិនអាចបញ្ជូនដោយអ្នកដែលមិនបានចុះឈ្មោះបានឡើយ
4444 មិនមានពាណិជ្ជករ ឬ ផលិតករ សម្រាប់ផលិតផលនេះឡើយ
5555 មិនមានតម្លៃ សម្រាប់ផលិតផលនេះឡើយ
6666 ទិន្នន័យតម្លៃដែលបានបញ្ជូន មិនត្រឹមត្រូវឡើយ
7777 លេខកូដផលិតផលមិនត្រឹមត្រូវឡើយ